Cronaca delle vacanze
espadrilles, gin&tonic,
"pesse" e "bira"
Prima tappa non ven (iere 'ndà con un ex Sindaco, Flavio Veronese, tanto pa no sbaiarse e pa star al coert) speso un casso, parchè 'ndee in cerca de un par de espadrillas e no e ven trovae in nisun dei bazar e negossi de scarpe tra Largo Tempini e piassa Bresia, anca ven fat un toc de via dei Pioppi, ma nianca là. A parte che quasi nissun el savea cossa che le è e Espadrillas, e me par strano in te na spiaia, l'unico che el parea saverghine qualcosa el me ha dit che no le tegnea parchè e costa massa poc...
Ven pensà aeora de dedicarse all'enogastronomia (seconda tappa) e sen capitai aea Terrazza Loreley (https://www.facebook.com/terrazzaloreley?fref=ts) dove che ven bevuo sie sete bire a testa, + na bira pa Costa (https://www.facebook.com/cadamuro.costantino?fref=ts), un spris pa Ivan Trevisan e n'antra bira pa Guerrino Lucchetta. A bira a iera tanto bona che quando che l'è sta ora de 'ndar via se sen desmentegai de pagarla (cussì ven a scusa pa tornar) che Matteo Veronese (https://www.facebook.com/matteo.veronese.773?fref=ts) el ne speta con 'ntra mastea de bira coa schiuma.
Riflession, stando sua Terrassa Loreley e vardando el mar me son accorto che Matteo Rensi no la mia sfondà tanto a Jesolo che a è rimasta roccaforte comunista (saveo quante bandiere rosse iera in spiaia? Almanco una ogni zinquesento metri).
Co sie sete bire de aperitivo, satu che fame? Sen pasai aea terza tappa: e sen dai al Residence & Hotel Villa Sorriso (https://www.facebook.com/pages/Residence-Hotel-Villa-Sorriso-Jesolo/126508664029528?fref=ts) dopo na sautare caminada de un sie sete metri (uno pa bira) pa na zeneta a base de vin bianco (Ribolla gialla) e vin roso (za no me ricorde l'eticheta che a me parea un fià ofuscada) innafiaia da meon col gorgonsoea e sostegnuo da un piatton de pesse de mar. Anca qua no sen riusii a pagar: sarà el destino...
Quarta tappa: caminada col Gin&Tonic. A pie ven continuà, tanto pa digerir, in diression de piassa Massini, ma all'altessa del Casa Bianca al Mare (https://www.facebook.com/CasaBiancaAlMare?fref=ts) no ghe a ven fata pi a continuar e se ven dovuo fermar a beva un Gin&Tonic ristoratore, bon, ma bon, ma bon... fortuna a vossuo che al bar del Casa Bianca ghe fusse el paron,Gabriele Giannetti, che dopo verne individuà come ex jesoeani el ne ha offert e do bibite, ma molto pi' importante el ne ha dit dove trovar e famose Espadrillas...
Semo partii come frecce e semo rivai, un zentener de metri dopo, in diression de piassa Massini, aea botega de Vanin chel vea pi' Espadrillas lu che bire sul stomego noantri.
Immediatamente ho domandà el presso: 13 euri el par. Voee ciamar a Giorgio Priviero pa verificar se el presso el iera corretto, ma po' o pensà che el fusse giust e ghi ne gho compra do pari.
Quinta tappa: subito pa festegiar da Giancarlo Vianello (https://www.facebook.com/giancarlo.vianello.50?fref=ts) che ven trovà in uno dei rari momenti che nol iera ocupà co Del Piero. Ven bevuo co lu qualcosa come do bottigliete de acqua de chea bona pa rinfrescarse e tornar casa.
Sesta tappa: 'na volta reinfrescai na tornà a voia de beva e subitissimamente semo pasai al Manja (https://www.facebook.com/manja.jesolo?fref=ts) sparandose 'nantri do Gin&Tonic. No sè se li ha offerti Gianfranco Ambrosin o el Flavio Veronese , ma son sicuro che mi no parchè no vee pi' schei (dopo el sciopping espadrilleros)
In conclusion se pol raccomandar na giornada mordi e fugi a Jesolo, tanto pa incrementar el turismo, offrendo passeggiata + aperitivi vari + cena di pesce fronte mare + superalcolici in prestigiosissimi hotels ed American bar + quota acquisti in negozi convenzionati al costo de 13 euro a persona. Pa mi in vien tutti, con riscio de radoppiar e presenze che e podarie rivar tranquiamente a 10/11 milioni a staion... Da condivida con Region, Provincia, Comune, Associasion albergatori e associasion comercianti.
19 giugno 2014
Nessun commento:
Posta un commento